Гап 2017 йилда Гамбургда бўлиб ўтадиган G20 саммити доирасидаги учрашув ҳақида бормоқда. Нашр маълумотларига кўра, ўша пайтда яқинда АҚШ президенти бўлган Трамп билан суҳбатда Путин Украинани «коррупцияга учраган хаёлий мамлакат» деб атаган ва Россия унга таъсир ўтказишга тўлиқ ҳақли эканини таъкидлаган. Трамп Путиндан Украинага Америка қуроллари етказиб берилиши мумкинлиги ҳақидаги фикрини сўради ва у бу АҚШ томонидан «хато» бўлишини айтди.
Ўша саммитда қатнашган уч америкалик расмийга кўра, Трамп Путинга эътироз билдира олмаган. Ўша суҳбатдан сўнг ўша пайтдаги АҚШ Давлат котиби Рекс Тиллерсон Трамп маъмуриятини «президентнинг Украина ҳақидаги фикрини ўзгартириш учун кўп иш қилишлари кераклиги» ҳақида огоҳлантирган.
Трампнинг Украинага нисбатан шубҳаси ва унинг Киев демократларга хайрихоҳлиги ҳақидаги шубҳалари президентлик сайловлари кампанияси даврида ҳам ўзини намоён қилишда давом этмоқда, деб ёзади The New York Times. Камала Харрис билан дебатда Трамп Украинанинг урушда ғалаба қозонишини хоҳлайдими, деган тўғридан-тўғри саволни четлаб ўтди.
27 сентябрь куни Владимир Зеленский Нью-Йоркдаги Trump Tower осмонўпар биносида Доналд Трамп билан учрашди. Украина етакчиси билан суҳбатдан сўнг Трамп иккаласи ҳам «адолатли келишув»ни исташларини таъкидлади. Икки кун олдин Шимолий Каролинадаги сайловолди митингида Трамп Зеленскийни Путин билан тинчлик музокараларига етарлича тайёр эмасликда айблаган эди.
Украина бешта шаҳарни йўқотиш хавфи остида
Украина душман учун «Жаҳаннам» тайёрлади
Туркия, Эрон, Россия, Қатар, Миср, Иордания ва бошқа давлатлар Сурия бўйича қўшма баёнот берди
