Аралаш яккакураш устамиз Нурсултон Рўзибоев ҳозирча UFC'даги кейинги жанги расман аниқ эмаслигини маълум қилди.
У Инстаграм саҳифасига жойлаган янги постида шунга ишора қилди.
"Эрик Ҳайдар, Данага айтинг, жанг берсин! Кутавериб 31 ёшга тўлдим", дея қуйидаги суратни изоҳлаган Рўзибоев.
Аввалроқ, 31 ёшли спортчининг 2025 йил март ойида жанг қилиши мумкинлиги айтилганди. UFC'да 2 та ғалаба ва 1 та мағлубият қайд этган Нурсултоннинг Лигада бекор қилинган 2 та жанги ҳам бор.
