"Досье Шпиона" телеграм канали ёзишича, 2 мартга ўтар кечаси амалга оширилган дронлар ҳужуми натижасида камида бешта Россия ҳарбий кемаси шикастланган. Оқибатда уч нафар ҳарбий ҳалок бўлган, яна 16 нафар ҳарбий хизматчи жароҳат олган.
Маълум қилинишича, ҳужум вақтида хусусан "Ейск" ва "Касимов" номли сувости кемаларига қарши курашувчи кемалар нишонга олинган. Шунингдек, "Валентин Пикуль" мина тозаловчи кемаси ҳам жиддий шикаст олгани тахмин қилинмоқда. Ҳужумда зарар кўрган яна икки кема номи очиқланмаган.
Украинанинг Exilenova+ OSINT лойиҳаси 2 март куни кундузи Новороссийск портидаги кемалар турадиган майдончанинг суратини эълон қилди. Унда 1124 рақамли “Албатрос” туридаги кемалар турган ҳудуд яқинида номаълум доғ пайдо бўлгани кўрсатилган. Бу турга юқорида айтилган “Ейск” ва “Касимов” кемалари ҳам киради.
Бухорода 21 ёшли йигит Телеграмда онлайн фоҳишахона ташкил қилди
Галибаф: “Эроннинг жавоби шунчалик даҳшатли бўладики, улар ёлвориб узр сўрашади”
Эрон олий раҳбари телевидение орқали мурожаат қилади
