Россия Давлат думаси депутатлари ноқонуний миграцияни ташкил этиш билан боғлиқ барча жиноятларни оғир деб ҳисоблашни таклиф қилувчи қонун лойиҳасини ишлаб чиқди. Бу ҳақда Давлат думаси вице-спикери Ирина Яровая маълум қилди.
«Бугун биз бир ҳафта ичида барча ваколатли вазирликлар, барча ҳуқуқ-тартибот идоралари, барча хизматлар Давлат Думаси депутатлари томонидан ишлаб чиқилган ва бир қанча муҳим соҳаларга тааллуқли қонун лойиҳаси бўйича фикр-мулоҳазаларини билдиришга келишиб олдик. Биринчидан. Ноқонуний миграцияни ташкил этиш билан боғлиқ барча жиноятларни оғир ва айниқса оғир жиноятлар қаторига киритамиз», — деди Яровая.
Аввалроқ Россия Давлат думаси Ички ишлар вазирлиги томонидан таклиф этилган, муҳожирлар мамлакатдан чиқариб юборилиши мумкин бўлган ҳуқуқбузарликлар рўйхатини кенгайтиришни назарда тутувчи янги қонун лойиҳасини қўллаб-қувватлашга тайёрлиги маълум бўлган эди.