Ноҳақ 13 йил ўтириб чиққан шахсдан қамоқхона харажатларини қоплаш талаб қилинмоқда

Ноҳақ қамалиб, умрининг 13 йилини панжара ортида ўтказган германиялик Манфред Гендицки озодликка чиқди.

Уни 2010 йилда қотилликда айблаб қамашган, фақат 2023 йилда хатолик ўтганига иқрор бўлишган.

Кўп ҳолларда бунақа «айбсиз айбдорлар»дан расмийлар кечирим сўраб, каттагина товон пули тўлашганига гувоҳ бўлганмиз. Аммо Манфреднинг ҳикояси давом этмоқда...

Гап шундаки, унга «бошпана ва емак» учун 100 минг евро тўлаши кераклиги ҳақида чек келди. Ҳукумат даъвосига кўра, Градицки оқланган бўлишига қарамасдан, қамоқхона харажатларини қоплаб бериши шарт...