Германияда шахмат бўйича "Freestyle Chess G.O.A.T Challenge" турнирининг асосий босқич баҳслари бошланди.
Мусобақада дунёнинг 8 нафар кучли гроссмейстери иштирок этмоқда.
Мазкур турнирда қатнашаётган ҳамюртимиз Нодирбек Абдусатторов кеча саралаш баҳсларини 1-ўринда якунлагани ҳақида хабар қилгандик.
У бугун асосий босқич баҳсларида (чорак финалда) хитойлик Динг Лиренга қарши дона сурди ва ғалабага эришди.
Эртага улар ўртасида жавоб ўйини ўтказилади. Икки ўйин натижасига кўра ғолиб ярим финалга йўл олади.
