Нигерия шимоли-шарқидаги масжидда шом намози вақтида портлаш юз берди.
Бу ҳақда Vanguard газетаси маълум қилди.
"Борно штати пойтахти Майдугури шаҳридаги асосий Гамбору бозоридаги масжидга ўрнатилгани тахмин қилинаётган қўлбола портловчи мосламалар намозхонлар намоз ўқиётганда тахминан соат 18:00 да портлаб кетди", — деб ёзади газета.
AFP агентлигининг хавфсизликдаги манбасига таяниб хабар беришича, ҳодиса оқибатида етти киши ҳалок бўлган.