Нигериянинг Замфара штатидаги Яр'Таша-Дансадау трассасида қўлбола портловчи қурилманинг портлаши оқибатида етти киши ҳалок бўлди.
Замфара штати губернаторининг радиоэшиттириш ва жамоатчилик билан алоқалар бўйича катта ёрдамчиси Мустафа Жафару Каура ўлим ҳақида маълум қилди.
"Портлаш таниқли етакчи Дого Гидега содиқ қочқин бандитлар томонидан ўрнатилган қўлбола портловчи қурилма туфайли содир бўлган. Етти киши ҳалок бўлгани тасдиқланди", - деди у.
Кауранинг аниқлик киритишича, ҳукумат қўшинлари аввалроқ қароқчилар билан тўқнаш келган ва уларнинг бир қисмини зарарсизлантирган, бироқ портловчи моддалар Яр Гада ва Маи Хаяхая қишлоқлари орасидаги йўналиш бўйлаб жойлаштирилганидан бехабар эди.
Гувоҳларнинг сўзларига кўра, портлашлар йўлнинг учта жойида содир бўлган, улардан бирида дон олиб кетаётган юк машинаси шикастланган ва бир неча мотоциклчи жароҳатланган.
Шу билан бирга, бир қатор маҳаллий оммавий ахборот воситалари 10 кишининг ўлими ҳақида хабар бермоқда.
Африкада ўзини "пайғамбар" деб атаётган шахс қурган кема атрофида ўн минглаб одам тўпланди
Ўқитувчилар ва тиббиёт ходимларининг ойлиги 2 баравар оширилади
Собиқ мудофаа вазири президент саройига бостириб киришни уюштиргани учун ҳибсга олинди
