Нигернинг ғарбий қисмида икки йўловчи автобусининг тўқнашуви оқибатида камида 21 киши ҳалок бўлди, яна 37 киши жароҳат олди. Бу ҳақда Синьхуа агентлиги хабар берди.
Нигер матбуот агентлиги (ANP) маълумотига кўра, йўл-транспорт ҳодисаси жума куни Маради – Мадауа автомобиль йўлида, Мадауа шаҳрида тахминан 55 километр масофада содир бўлган.
Дастлабки маълумотларга кўра, авария оқибатида 22 киши ҳалок бўлган. Турли даражада жароҳат олган 37 кишига тиббий ёрдам кўрсатилган. Агентликнинг маълум қилишича, автобуслардан бирида ҳарбий хизматчилар бўлган.
Йўл-транспорт ҳодисасининг сабабларини аниқлаш мақсадида тергов бошланган.
Ҳодиса Нигер ҳукумати мамлакатда йўл-транспорт ҳодисалари кўпайиб бораётгани сабабли йўл ҳаракати хавфсизлиги бўйича ахборот кампаниясини кучайтираётган бир пайтда содир бўлди.
Нигерда йўл-транспорт ҳодисаларининг асосий сабаблари қаторида тезликни меъёрдан ошириш, маст ҳолда транспорт бошқариш, шунингдек, транспорт воситалари ва йўлларнинг қониқарсиз ҳолати қайд этилмоқда.
Нигер Йўл ҳаракати хавфсизлиги агентлиги ҳисоботига кўра, 2025 йилда мамлакатда 7100 дан ортиқ йўл-транспорт ҳодисаси қайд этилган, 1200 дан зиёд киши ҳалок бўлган. Яна 4400 дан ортиқ киши оғир жароҳат олган.
Муҳожирлар кетмоқда — Москва эса қайтишга чақирмоқда
"Мен ҳеч қачон 102-ҳарбий базани Арманистондан олиб чиқиш масаласини кўтармаганман"
UzAuto Motorsʼни Хитой компанияси сотиб олмоқчи
