Нигер армияси "Боко Ҳарам" террорчилик гуруҳи етакчисини йўқ қилди

Нигер армияси "Боко Ҳарам" террорчилик гуруҳи етакчиси Иброҳим Маҳамаду йўқ қилинганини эълон қилди.

Бу ҳақда Agence France-Presse хабар бермоқда.

"Нигерия қуролли кучлари намунали аниқлик билан олиб борилган жарроҳлик операциясида Диффа минтақасидаги Шилава оролида "Боко Ҳарам" гуруҳи етакчиси Иброҳим Маҳамаду бўлган машҳур Бакурани зарарсизлантирди", — дейилади операция хулосасида.

Баёнотда айтилишича, операция 15 август куни "эрта тонгда” амалга оширилган. Ҳарбий ҳаво кучлари қирувчиси жангарилар етакчисининг Чад кўлидаги Шилава оролида яширинган жойига учта мақсадли зарба берди.