Неймар «Сантос» сафидаги голидан сўнг ўз хейтерларига мурожаат қилди

«Сантос» ҳужумчиси Неймар Бразилия чемпионатининг 20-туридан ўрин олган «Шапекоэнсе»га қарши баҳсда (2:2) иккита гол урди.

36-дақиқада Неймар ҳисобни очди. У голни нишонлашни ўз хейтерларига йўлланган мурожаатга айлантирди. Аввалига футболчи мухлисларнинг ҳуштакларига жавобан қўлини қулоғига олиб борди, сўнгра тармоқда салбий изоҳлар қолдираётган хейтерлар гўёки буни пул эвазига қилишаётганига шама қилди. Бундан ташқари, у бурчак байроқчасини суғуриб олиб, гольф зарбасини тақлид қилди.

89-дақиқада ҳужумчи пенальтини аниқ амалга оширди — бу «Сантос»га мағлубиятдан қутулиб қолиш имконини берди.