Нетаньяхунинг сайлов кампаниясида 1600 дан ортиқ сохта аккаунтдан фойдаланилганми?

Нетаньяхунинг сайлов кампаниясида 1600 дан ортиқ сохта аккаунтдан фойдаланилгани айтилмоқда. Бу ҳақда Haaretz нашри хабар берди.

Haaretz нашрининг Expose компанияси ўтказган текширувга таяниб хабар беришича, Исроил Бош вазири Биньямин Нетаньяхунинг сайловолди кампаниясини қўллаб-қувватлаш учун X ижтимоий тармоғида 1653 та сохта аккаунтдан иборат мувофиқлаштирилган тармоқ фаолият юритган.

Таҳлилчилар аниқлашича, уларнинг қарийб 1600 таси дастлаб Эроннинг собиқ шоҳи ўғли Реза Паҳлавийни тарғиб қилиш учун ишлатилган, кейинчалик эса Нетаньяху ва унинг «Ликуд» партиясини қўллаб-қувватлашга ўтган.