Нетаньяху: "Исроил Эроннинг ўқ-дори ишлаб чиқариш қувватларининг 70 фоизини йўқ қилди"

Исроил Бош вазири Беньямин Нетаньяху Эроннинг нефт-кимё саноатига кенг кўламли зарбалар берилганини тасдиқлади.

Баёнот Нетаньяхунинг ижтимоий тармоқлардаги саҳифасида чоп этилди.

"Мен сизга Теҳронда... (расмийларга) курашишда давом этишимизга ваъда берган эдим ва ҳозир айнан шундай қиляпмиз. Уларнинг ўқ-дори ишлаб чиқариш қувватининг 70 фоизини йўқ қилганимиздан сўнг, бугун уларнинг нефт-кимё заводларига ҳужум қилдик", деди у.

Нетаньяху Исроил ҳарбийлари Эроннинг энергетика иншоотларини йўқ қилишда давом этишини эълон қилди.

Аввалроқ, АҚШ ва Исроилнинг Эроннинг Хузистон вилоятидаги Маҳшаҳр портидаги махсус нефт-кимё зонасига берган зарбалари натижасида беш киши ҳалок бўлгани ҳақида хабар берилган эди.