АҚШ президенти Доналд Трамп Исроил бош вазири Биньямин Нетаньяҳу билан муносабатлари яхши эканини таъкидлар экан, айни пайтда Исроил раҳбари янада масъулиятли ҳаракат қилиши лозимлигини билдирди.
Қатар амири шайх Тамим бин Ҳамад Ол Соний билан Оқ уйда бўлиб ўтган учрашув чоғида журналистлар Трампдан Нетаньяҳудан кўнгли қолган-қолмаганини сўрашди.
«Йўқ. Бизнинг муносабатларимиз ажойиб. Қўшма Штатларсиз Исроил бўлмас эди. Менсиз ҳам Исроил бўлмас эди, чунки мен қилган ишларни бошқа ҳеч бир президент қилишга тайёр эмасди. Мен Биби (Нетаньяҳу) билан доимо жуда яхши муносабатда бўлганман. Аммо энди у Ливан масаласида кўпроқ масъулият намоён қилиши керак», — деди Трамп.
Бу баёнот АҚШ ва Исроил раҳбарлари ўртасида Ливан ҳамда Эрон билан боғлиқ вазият юзасидан кескин мулоқотлар бўлгани ҳақидаги хабарлар фонида янгради. Трамп шу билан бирга Вашингтон ва Тель-Авив ўртасидаги стратегик ҳамкорлик мустаҳкамлигича қолаётганини ҳам таъкидлади.
Муниса Ризаева тўй хизматлари нархини ошкор қилди: Пойтахт ва вилоятлар ўртасидаги фарқ қанча?
Ўзбекистон — Колумбия ўйини учун чипталар сотуви рекорд даражага чиқди
Сўнгги 140 йилдаги энг кучли Эл-Нино ҳодисаси яқинлашмоқда. Бу бутун дунёдаги об-ҳавога таъсир қилиши мумкин
