Нервлар билан бирикиб ўсадиган тиш имплантлари ихтиро қилинди

Олимлар ўрнатилганидан кейин нервлар билан бирикиб ўсадиган тиш имплантларини ихтиро қилишди.

«Ақлли» имплант суякларни тешмасдан тўғридан-тўғри тўқималарга жойлаштирилиши мумкин ва илдиз ҳужайралари, шунингдек, таркибидаги махсус оқсил туфайли у мавжуд нервлар билан бирлашиб, ҳақиқий тиш каби озиқ-овқатни тузилиши ва ҳароратини ҳис қилиш имконини беради.

Имплант кемирувчиларда муваффақиятли синовдан ўтказилди ва имплантациядан 6 ҳафта ўтгач тўлиқ ишлади.