Бу ҳақда Навоий вилояти Экология бошқармаси матбуот хизмати хабар берди.
Хабарга кўра, Хатирчи тумани Экология, атроф-муҳитни муҳофаза қилиш ва иқлим ўзгариши бўлими давлат инспекторлари томонидан навбатдаги назорат рейд тадбири ўтказилган.
Тадбир давомида туман ҳудудида яшовчи фуқаро У.Х томонидан туманинг «Алишер Навоий» МФЙ ҳудудида бир туп қуриган тол дарахтини рухсатномасиз кесиб ташланганлик ҳолати аниқланган.
Ушбу ҳолат юзасидан ҳуқуқбузарга нисбатан, Ўзбекистон Республикаси МЖтКнинг 79-моддаси 1-қисмига асосан баённома расмийлаштирилиб, 8 млн 500 минг сўм жарима белгиланган.