НАТО янги аъзоларни қабул қилишда давом этмоқда

Шимолий Атлантика Шартномаси Ташкилоти (НАТО) янги аъзоларни қабул қилишда давом этмоқда. Украинада қуролли можаро бошланганидан буён, яъни 2022 йил 24 февралдан бери альянс аъзолари сони 32 тага етди. Хусусан, икки йил ичида иттифоққа яна икки давлат – Финляндия ва Швеция қўшилди.

«Анадолу» мухбири НАТОнинг кенгайиши босқичлари, Финляндия ва Швециянинг альянсга кириши, шунингдек, бу икки давлатнинг иттифоққа қўшилишига Россиянинг муносабати ҳақида маълумот тўплади.

Иттифоқ 1949 йил 4 апрелда Ғарбий Европани Совет Социалистик Республикалари Иттифоқи (СССР) томонидан юзага келиши мумкин бўлган таҳдиддан ҳимоя қилиш мақсадида ташкил этилган.

Вашингтонда АҚШ, Бельгия, Буюк Британия, Дания, Франция, Нидерландия, Италия, Исландия, Канада, Люксембург, Норвегия ва Португалия томонидан имзоланган Шимолий Атлантика шартномаси туфайли НАТО жаҳон сиёсий саҳнасида халқаро ўйинчига айланди. . НАТО штаб-квартираси - Шимолий Атлантика альянсининг сиёсий ва маъмурий маркази, асосий қарор қабул қилувчи орган йиғилишлари бўлиб ўтади - Брюсселда.

1951 йил 17-октабрда Туркиянинг НАТОга кириши ҳақидаги протокол имзоланган ва Туркия 1952 йил 18 февралда Греция билан бир вақтда иттифоққа расман қабул қилинган.