Бир неча кундан бери Россиянинг «Янтар» кемаси Европа Иттифоқи қирғоқлари бўйлаб ҳаракатланмоқда. Бу кема Россия Мудофаа вазирлигининг Асосий чуқур сув тадқиқот бошқармасига тегишли бўлиб, разведка ва махсус тадқиқот ускуналари билан жиҳозланган. У радио ва гидроакустик кузатув тизимларига эга бўлиб, 6000 метр чуқурликкача бўлган сув ости ва сув юзаси объектларини ўрганиш имкониятига эга.
Британия ҳарбийларининг таъкидлашича, «Янтар» кемаси аниқланган пайтда Буюк Британия қирғоқларидан тахминан 72 километр узоқликда бўлган. Тахминларга кўра, у шу ҳудудда Британиянинг сув ости инфратузилмаси ҳақида маълумот тўплаётган бўлиши мумкин.
Британия мудофаа вазири Жон Хили Россия президенти Владимир Путинга мурожаат қилиб, қуйидагича баёнот берди:
«Биз сизни кўриб турибмиз, нима қилаётганингизни биламиз ва мамлакатимизни ҳимоя қилиш учун қатъий чоралар кўришдан асло тортинмаймиз.»
Россия элчихонаси ҳозирча бу ҳодисага изоҳ бермаган. Бироқ, Россия ОАВ Британиянинг айбловларини «сунъий баҳона» деб атамоқда.
Бу Россия кемасининг биринчи марта шубҳа уйғотиши эмас. «Янтар» нафақат Болтиқ денгизида, балки Атлантикада ҳам сув ости кабель тармоқлари яқинида кузатилган.
Сўнгги марта кема уч кун олдин Дания ҳудудий сувлари яқинида кўрилган. НАТО давлатлари ҳозирча уни кузатишда давом этмоқда.
Озод этилган исроиллик асирнинг сўзлари кўпчиликни ҳайратлантирди: "Сафингизда бўлишни истардим"
Дунёдаги энг узоқ умр кўрувчи 10 та давлат
Олимлар шаҳар канализация тизимида аллигаторларнинг кўплигини кўриб «ҳайрон қолишди»
