27 ёшли ярим ҳимоячи Донни ван де Бек "Манчестер Юнайтед"дан "Жирона"га ўтди. Бу ҳақда испан клуби матбуот хизмати хабар берди. Томонлар 2028 йилнинг ёзига қадар амал қиладиган шартнома имзоладилар.
Ван де Бек "Манчестер Юнайтед"да 2020 йилдан буён ўйнаб келаётганди. Ўтган мавсумда ярим ҳимоячи "Айнтрахт"да ижара асосида ўйнади ва клуб сафида барча турнирларда 8та ўйин ўтказди, аммо у самарали натижа бермади. Футболчининг “Манчестер Юнайтед” билан шартномаси 2025 йилнинг июнь ойи охиригача амал қиларди. Transfermarkt порталига кўра футболчининг тахминий нархи 5 миллион еврони ташкил қилади.
Эслатиб ўтамиз, "Жирона" Испания Ла Лигасининг 2023/2024 йилги мавсумини учинчи ўрин билан якунлади. Мичель шогирдлари 38 та ўйинда 81 очко жамғариб, иккинчи ўриндаги “Барселона”дан 4 очко ортда қолди. Клуб ўз тарихида биринчи марта Чемпионлар лигасига йўлланма олди.
Эрон ўраб олинмоқда
Эрталабдан Исроилга юзлаб ракеталар ташланди
Канада: Ҳиндистон «даҳшатли хато» қилди
