Мьянмадаги зилзила оқибатида 13 нафар Хитой фуқароси жабрланди

Мьянмадаги зилзила оқибатида 13 нафар Хитой фуқароси жабрланди.

Бу ҳақда Хитойнинг Мьянмадаги элчихонасига таяниб, Хитой марказий телевидениеси хабар берди.

"30 март куни Хитойнинг Мьянмадаги элчихонаси Мьянмада юз берган кучли зилзила оқибатида 13 нафар Хитой фуқароси жабрланганини тасдиқлади”, — дейилади хабарда.

Xinhua агентлиги Хитойнинг Янгондаги элчихонаси ходимига таяниб, аввалроқ 12 киши жароҳатлангани ҳақида хабар берган эди.

Мьянмада 28 март куни кучли зилзила содир бўлди. Таиланд метеорология бошқармаси маълумотларига кўра, унинг магнитудаси 8,2 ни ташкил қилган. Зилзила қурбонлари сони 1600 дан ошди. Зилзиладан Таиланд ҳам жабр кўрган, ер силкинишлари Хитой ва Вьетнамда ҳам сезилган.