5-8 июнь кунлари Мўйноқдаги кемалар қабристонида электрон мусиқа, санъат ва илм-фанни бирлаштирган «Стихия» фестивали бўлиб ўтади.
📍Фестиваль ўтказиладиган жой — Мўйноқ шаҳри бой тарих ва рамзий маънога эга бўлиб, ҳар бир иштирокчига муҳим ва кенг кўламли ҳаракатнинг бир қисмига айланиш имконини беради.
Ушбу лойиҳа ташаббуси 2017 йилда бошланган Ўзбекистон ишқибозларига тегишли. «Стихия» нафақат фестиваль, балки ҳудудни барқарор ривожлантириш, табиат ва маданий меросга ҳурматни тарғиб этишга қаратилган бутун бир ҳаракатдир.