Мусофир юртда соғлиғини йўқотди ва ишсиз қолди, кейин эса...

Рига шаҳрига пул топиш мақсадида келган К.Ф. соғлиғи билан боғлиқ муаммоларга дуч келади ва ишсиз қолади. Шу муносабат билан у элчихонага Ўзбекистонга қайтишида амалий ёрдам сўраб мурожаат қилган.

Дипломатлар Латвия Миграция хизмати ходимлари билан музокаралар ўтказди ва ватандошимизнинг Ўзбекистонга қайтиши билан боғлиқ ҳужжатларни тайёрлашда амалий ёрдам кўрсатди. Элчихона ва Халқаро миграция ташкилотининг Ригадаги ваколатхонаси кўмагида ҳамюртимиз вақтинча турар жой билан таъминланди. Шунингдек, унинг Ватанга қайтиши учун авиачипта сотиб олиб берилди.

Ватандошимиз 8 август куни Ригадан Ўзбекистонга "Uzbekistan Airways" авиарейсида кузатиб қўйилди.