Муҳаммад Салоҳ келажаги бўйича қарор қабул қилди

«Ливерпуль» ҳужумчиси Муҳаммад Салоҳ яқин келажакда, аниқроғи ёзда жамоани тарк этиши мумкин. Бу ҳақда talkSPORT журналисти Пол Смит хабар берди.

Манбага кўра, мисрлик футболчи ҳозирда ўзига бўлган ишонч билан боғлиқ муаммоларга дуч келган. Журналистнинг таъкидлашича, бундай ҳолатларда ўйинчига ортиқча босим ўтказмаслик керак.

Смит Салоҳнинг ўйин услубини эслаб, у ҳатто унчалик яхши ўйнамаган пайтларида ҳам ҳал қилувчи ва гўзал голлар ура оладиган футболчи эканини қайд этди. Унинг фикрича, бу каби сифатлар футболчининг табиатида бор.

Шунингдек, у ҳар қандай спортда муайян босқич якунланиши олдидан айрим белгилар пайдо бўлишини таъкидлаб, Салоҳ билан боғлиқ ҳолат айнан шундай жараёнга ўхшашини айтди.

Журналист сўзларига кўра, бу табиий ҳолат бўлиб, айниқса Салоҳ каби ёши каттароқ футболчилар учун бу оддий жараён ҳисобланади. У сўнгги 6–7 йил давомида «Ливерпуль» учун беқиёс хизмат қилгани алоҳида қайд этилди.

Шу боис, агар бу Салоҳнинг мерсисайдликлар сафидаги фаолияти якунига айланаётган бўлса, мухлислар унинг клубдаги қолган вақтларидан завқ олишлари кераклиги таъкидланмоқда.