Москванинг Новоясеневский проспектидаги ётоқхонада экстремистик жамият иши бўйича ўтказилган тинтув чоғида 538 нафар хорижлик қўлга олинди.
Бу ҳақда Россия Тергов қўмитасининг Москва бошқармаси маълум қилди. Уларнинг барчаси полиция бўлимларига олиб кетилган.
"Экстремистик жамиятни ташкил этиш (Россия Федерацияси Жиноят кодексининг 282.2-моддаси) бўйича жиноят ишини тергов қилиш доирасида ётоқхонада миграция қонунчилиги бузилганлиги ҳақида маълумот келиб тушди", — дейилади Тергов қўмитаси хабарида. Қидирув Россия гвардияси кўмагида терговчилар томонидан амалга оширилган.
Ётоқхона маъмурлари ҳам қўлга олиниб, Москвадаги полиция бўлимига олиб кетилган.
Қозоғистон Россия, Хитой, Туркия ва Марказий Осиё давлатларини ортда қолдирди
Украина бешта шаҳарни йўқотиш хавфи остида
Туркия, Эрон, Россия, Қатар, Миср, Иордания ва бошқа давлатлар Сурия бўйича қўшма баёнот берди
