Мисрда содир бўлган йўл-транспорт ҳодисасида ҳалок бўлганлар сони 22 кишига етди

Мисрнинг жанубий Синай ярим оролида содир бўлган йўл-транспорт ҳодисасида камида 22 киши ҳалок бўлди ва 29 киши жароҳат олди.

Бу ҳақда Sky News телеканали маҳаллий ҳокимиятга таяниб хабар бермоқда.

Аввалги хабарларда 16 киши ҳалок бўлгани айтилган эди.

Даҳаб ва Нувеиба ўртасидаги йўлда сайёҳларни олиб кетаётган автобус ағдарилиб кетди. Ярадорлар Шарм аш-Шайх, Авлиё Кетрин ва Ал-Фаируздаги касалхоналарга ётқизилган.

Иорданиянинг Al-Mamlaka телеканалининг хабар беришича, автобусдаги йўловчилар орасида Иордания фуқаролари ҳам бўлган, улардан 10 нафари ҳалок бўлган. Қироллик Ташқи ишлар вазирлиги фуқароларининг ўлимини тасдиқлади, аммо аниқ сонни айтмади.

Бахтсиз ҳодиса сабаби ҳақида ҳеч қандай маълумот берилмаган.