Мисрда археологлар номаълум фиръавннинг 3,6 минг йил олдинги қабрини топдилар

The New York Times (NYT) газетасининг ёзишича, мисрлик ва америкалик археологлар гуруҳи Мисрдаги Нил дарёсининг чап қирғоғида жойлашган қадимий Абидос шаҳри ўрнида ёши 3600 йил бўлиши тахмин қилинаётган номаълум фиръавннинг қабрини топди. Бу ҳақда ТАСС ёзмоқда.

Маълумотларга кўра, қабр некрополда 7 м дан ортиқ чуқурликда жойлашган. Дафн хонаси баландлиги деярли 5 м бўлган тонозли шифтли бир нечта хоналардан иборат. Абидосдаги фиръавн қабрининг биринчи кашфиёти у ерда "йўқолган" қироллик сулоласининг мавжудлигига далил бўлиб, археологлар томонидан 10 йилдан кўпроқ вақт олдин қилинган.

Қайд этилишича, бу қабр ва Сенеб-Кей мақбараси сақланиб қолган энг қадимги қироллик қабрларидан бўлиб, уларда бўялган безаклар мавжуд. Шунингдек, Абидосдаги қабр вақт ўтиши билан жиддий зарар кўрганлиги ва унинг ўрнида аниқланиши мумкин бўлган скелет қолдиқлари топилмагани кўрсатилган. Бундан ташқари, қабр ичида тахминан 1,7 минг йил олдин содир бўлган талончилик излари бор. Папирус чизиқларида тасвирланган ҳукмдорнинг исми ҳам ўқиб бўлмайдиган бўлиб қолди. Археологларнинг тахминига кўра, қабр Абидосда ёдгорликлар ўрнатилган Сенайиб ёки фиръавн Пантжений исмли подшоҳнинг дафн қилинган жойи бўлган.