Интернетда пайдо бўлган АҚШ разведкаси ҳужжатига таяниб, Washington Post газетасининг ёзишича, Миср Россияга яширинча 40 мингтагача ракета юборишни режалаштирган.
“АҚШ разведка хизматининг ошкор қилинган ҳужжатига кўра, Миср президенти Абдулфаттоҳ ас-Сисий яқинда ўз қўл остидагиларга Россияга яширинча жўнатиш учун 40 мингтагача ракета ишлаб чиқаришни буюрган”, — дейилади мақолада.
Материалда таъкидланганидек, ҳужжатга кўра, Миср президенти “Ғарб билан муаммоларга йўл қўймаслик” учун расмийларга ракеталарни ишлаб чиқариш ва етказиб беришни сир сақлашни топширган.
