Куни кеча матбуотда Саудия Арабистонининг "Ал-Аҳли" клуби Лионель Мессини ўз сафига қўшиб олмоқчи экани ҳақида хабарлар тарқалди. Маълумотларга кўра, аргентиналик юлдуз Криштиану Роналду ҳаракат қилаётган лигага бормайди. Бу ҳақда таниқли журналист, Мессининг биографи Гильям Балаге ижтимоий тармоқларда маълум қилди.
Балаге Месси ва "Ал-Аҳли" ҳақидаги маълумотларни фейк деб атади. Журналистнинг таъкидлашича, 38 ёшли футболчи Саудия Арабистони клублари билан алоқада бўлмаган. Балагенинг таъкидлашича, Месси "Интер Майами" билан шартномани узайтириш бўйича музокараларни давом эттирмоқда.
Шунингдек, Балагенинг айтишича, Месси МЛС клуби билан шартномасини узайтиради ва келаси ёзда Аргентина терма жамоаси сафида жаҳон чемпионатида иштирок этади.
Лео Мессининг "Интер Майами" билан амалдаги меҳнат шартномаси 2025 йил охиригача мўлжалланган.
Машҳур блогер Абдурозиқ Дубай аэропортида ҳибсга олинди
Дилшод Тўрахўжаев иши: Россия Ўзбекистонга нота йўллади
"Олтин тўп" учун номзодлар рейтингги янгиланди
