Ижтимоий тармоқларда яна бир асоссиз хабар тарқалмоқда. Унда гўёки “Енгил шартларни бажарганларга 18 млн. сўм берилади” дея маълум қилинган. Бундай хабарлар фирибгарлик ҳолатларидан биридир.
Фуқароларга ҳар қандай шубҳали маълумотга ишонмаслик, унга амал қилмаслик ҳамда хабарларнинг ҳақиқийлигини текшириб кўриш тавсия этилади. Алданиб қолмаслик учун доимо огоҳ бўлинг.
Хабарни текшириш чоралари:
- Манбага эътибор: хабарда ким томондан чиққанлиги ёки расмий манба кўрсатилганми? Агар кўрсатилмаса, ёрдамчи манбаларни излаб кўринг.
- Расмий манбаларни текширинг: давлат органлари, банклар,онлайн порталларининг ижтимоий аккаунтлари орқали тасдиқлаш.
- Аккаунтнинг ҳолати: фойдаланувчи номи, кўрсаткичлар, қайси платформада шу аккаунт қанчалик актив ёки яхшилаб текширилганлигини кўринг. Этикетка (verified) бор-йўқлигини текширинг.
- Матн: хабардаги грамматик хатоликлар, манбадаги номлар ёлғонлиги учрайди.
