Мессининг карточкаси 1,5 млн долларга сотилди

Аргентина миллий жамоаси ва «Интер Майами» клуби футболчиси Лионел Мессининг Panini журнали 2004/2005 йилги мавсум тўпламидан олинган коллекция карточкаси Fanatics Collect онлайн-аукционида 1,5 миллион долларга сотилди ва рекорд ўрнатди. Бу ҳақда ESPN хабар берди.

Маълум қилинишича, олдинги рекорд 2022 йилда бразилиялик Пеленинг Alifabolaget карточкаси томонидан қайд этилган. Ўша пайтда карточка 1,33 миллион долларга сотилган.

Маълумот ўрнида, Месси Аргентина тарихидаги энг кўп гол урган футболчи ва энг кўп ўйин ўтказган рекордчи ҳисобланади. Лео 2023 йилдан бери АҚШнинг «Интер Майами» клуби шарафини ҳимоя қилмоқда.