Месси 2025 йилда энг кўп голда иштирок этган футболчи бўлиб турибди

"Интер Майами" ҳужумчиси Лионель Месси бу сафар ҳам голда иштирок этишга муваффақ бўлди. Аргентиналик футболчи MLS Шарқий конференцияси плей-офф финалида "Нью-Йорк Сити" устидан 5:1 ҳисобида ғалаба қозонган ўйинда голли узатмани амалга оширди. Учрашув қаҳрамони хет-трик қайд этган Тадео Аленде бўлди.

Умуман олганда, Месси 2025 йилда барча турнирларда 72 та самарали ҳаракатни амалга оширди - бу дунёдаги энг яхши кўрсаткич, дея хабар беради Inter Miami News Hub.

Рейтингда иккинчи ўринни "Реал"дан Килиан Мбаппе (68), учинчи ўринни "Бавария"дан Харри Кейн (62), тўртинчи поғонани эса "Манчестер Сити"дан Эрлинг Холанд (58) эгаллаган.

Лионель Месси жами гол ва ассистлар сони бўйича MLS плей-офф рекордчисига айланди - 13.