Мексиканинг Чиапас штатида 9 декабрь, пайшанба куни юздан ортиқ муҳожирни олиб кетаётган тиркамали юк машинаси ҳалокатга учради. 53 киши ҳалок бўлган, деб хабар берди Noticias MVS радиостанцияси.
Унинг сўзларига кўра, аксарияти Гватемала аҳолиси бўлган ноқонуний муҳожирлар бўлган юк машинаси таянч деворга урилиб, ағдарилиб кетган. Ҳалок бўлганлардан ташқари яна 58 киши касалхонага ётқизилган, уч нафарининг аҳволи ўта оғир деб баҳоланмоқда.
Шу билан бирга, қутқарув хизматлари фожиага иккита юк машинасининг тўқнашуви сабаб бўлганини, шундан сўнг улардан бири деворга урилганини маълум қилди. Ҳодисанинг барча ҳолатлари аниқланмоқда.
Мексика президенти Aндрес Мануел Лопес мамлакат жанубидаги йирик аварияга муносабат билдирди. Давлат раҳбари жабрланганларга барча зарур ёрдам кўрсатишни топширди.
Ўғри божхоначилар 26 тонна олтин билан қўлга тушди
Арманистон шу йилнинг ўзидаёқ Европа Иттифоқига киришга тайёр
Германия ва Швеция ҳарбий ҳамкорликни кучайтирмоқчи
