Мексикада поезднинг рельсдан чиқиб кетиши оқибатида 13 киши ҳалок бўлди

Мексика жанубидаги Оахака штатида йўловчи поездининг рельсдан чиқиб кетиши оқибатида камида 13 киши ҳалок бўлди.

Мексика президенти Клаудия Шейнбаум ижтимоий тармоқ орқали воқеа ҳақида маълум қилди.

"Денгиз кучлари вазирлиги менга океанлараро поезд ҳалокати натижасида афсуски 13 киши ҳалок бўлганини маълум қилди. 98 киши жароҳат олди, улардан беш нафарининг аҳволи оғир", деб ёзади у.

Мексика ҳарбий-денгиз кучларининг аниқлик киритишича, поездда 250 киши, жумладан тўққиз нафар экипаж аъзоси ва 241 нафар йўловчи бўлган.

Ҳодиса Чивела ва Низанда шаҳарлари ўртасида содир бўлган. Мексика Бош прокуратураси аллақачон тергов бошлаган.