Меҳнат дафтарчаси иш стажини тасдиқловчи асосий ҳужжат ҳисобланади. У йўқолиб қолса, пенсияга қандай қилиб чиқиш мумкин? Мазкур саволга Пенсия жамғармаси бош мутахассиси Бахриддин Зиятов батафсил жавоб берди.
Бахриддин Зиятовнинг айтишича, 2005 йил 1 январдан олдинги даврлар учун иш стажи меҳнат дафтарчасида мавжуд ёзувлар асосида, бошқа тасдиқловчи ҳужжатлар талаб этилмасдан белгиланади.
“Меҳнат дафтарчаси ёки ундаги ёзувлар бўлмаган, нотўғри ёзилган тақдирда, иш стажи архив маълумотлари, буйруқлардан кўчирмалар, меҳнат шартномалари ва бошқа ҳужжатлар орқали тасдиқланиши мумкин. Бундан ташқари, меҳнат фаолиятлари тўғрисидаги маълумотлар суд тартибида фуқароларнинг кўрсатмаларига асосан ҳам қабул қилинади”,—деди мутахассис.
