"Реал"га сифатли марказий ҳимоячи керак. Мадрид клубининг янги мураббийи Карло Анчелотти шундай фикрда. Италиялик мутахассис аллақачон асосий номзод бўйича қарор қабул қилган.
FootMercato журналистларининг хабар беришича, Мадриднинг "Реал" клуби ушбу ёзда "Севилья" ҳимоячиси Жьюл Кунденинг трансфери бўйича музокаралар олиб боришга ҳаракат қилади. Трансфермаркт 22 ёшли французни 60 миллион еврога баҳоламоқда.
Эслатиб ўтамиз, ёш ҳимоячига Каталониянинг "Барселона" клуби ҳам даъвогарлик қилмоқда.
