Америкалик миллиардер Илон Маск АҚШ Европада мудофаа харажатларини камайтириши кераклигини айтди.
У ўз фикрини Х ижтимоий тармоғида ўртоқлашди.
"Нега америкалик солиқ тўловчилар Европа мудофаа харажатларининг чорак қисмини молиялаштирмоқда? Айниқса, бизнинг катта бюджет тақчиллиги ва барқарор қарз ўсишини ҳисобга олсак, бу ҳеч қандай маънога эга эмас", - деб ёзади тадбиркор.
Маск АҚШнинг сайланган президенти Дональд Трамп маъмуриятида Вивек Рамасвами билан бирга ҳукумат самарадорлигини ошириш бўйича янги департаментга раҳбарлик қилиши кутилмоқда.
Аввалроқ Британиянинг Financial Times газетаси Трамп ўз вакиллари орқали баъзи европалик НАТО иттифоқчиларини мудофаа харажатларини ЯИМнинг 5 фоизигача оширишни талаб қилиш нияти ҳақида хабардор қилгани ҳақида хабар берган эди.