Таниқли швед гуруҳи — «Roxette» солисти Мари Фредрикссон 61 ёшида вафот этди. Бу ҳақда Швеция ОАВларига асосланиб хабар берилди.
Dagens Nyheter нашрининг ёзишича, хонанда узоқ йиллар давомида саратон хасталигига қарши курашиб келган.
Мари Фредрикссон ушбу гуруҳдаги фаолияти давомида машҳурликка эришган. Қўшиқчи жами саккизта альбом чиқарган, улардан охиргиси 2013 йилда дунё юзини кўрган.
