Бангуи яқинидаги Мпоко дарёсида кема чўкиб кетиши оқибатида камида 60 киши ҳалок бўлди.
Бу ҳақда RFI радиостанцияси хабар берди.
Унинг қайд этишича, кемада 300 га яқин одам, жумладан, дафн маросимига кетаётган аёллар ва болалар бўлган. 100 га яқин одам қутқариб олинди, бедарак йўқолганларни қидириш давом этмоқда.
Гувоҳларнинг сўзларига кўра, кема портдан чиқиб, дарёнинг ўртасига етиб боргач, деярли ярмига бўлинган. Расмийларнинг фикрича, кема ҳалокатига кема хавфсиз саёҳат қилиш учун бортда олиб юриши мумкин бўлган йўловчилар сонининг сезиларли даражада кўплиги сабаб бўлган.