Жорий йилнинг 24 июль куни, Марғилон шаҳар ИИБ тезкор ходимлари томонидан ўтказилган тадбир давомида, 1973 йилда Марғилон шаҳрида туғилган, Чорчинор маҳалласида яшовчи Х.Ф.нинг яшаш хонадони холислар иштирокида кўздан кечирилганида, экин майдонида 5 туп агротехник ишлов берилган, марихуана гиёҳванд ўсимлигига ўхшаш ўсимликларни экиб, парваришлаб келаётганлиги аниқланди.
Шунингдек, хонадонида 354 грамм “наша” ҳамда 1 кг 450 грамм кўкнори гиёҳвандлик моддасини сақлаб келаётганлиги ҳам аниқланиб, далилий ашёлар холислар иштирокида расмийлаштириб олинди.
Ҳолат юзасидан терговга қадар текширув ҳаракатлари олиб борилмоқда.