"Манчестер Юнайтед"нинг янги бош мураббий қўл остидаги илк хариди ким бўлади?

Ноябрь ойидан бошлаб "Манчестер Юнайтед" бошқарувини қўлга олиши кутилаётган Рубен Аморим клуб учун дастлабки трансфер мақсадини белгилаб берди.

The Sun хабарига кўра, 39 ёшли португалиялик мутахассис клубнинг илк хариди "Вулверхэмптон" чап қанот ҳимоячиси Райан Айт-Нури бўлишини истамоқда.

23 ёшли жазоирлик футболчининг "бўрилар" билан шартномаси 2026 йилгача мўлжалланган. Трансфер "қизил иблислар"га 40 миллион евро атрофида тушади.

Айт-Нури жорий мавсумда барча турнирларда 10 та ўйинда майдонга тушиб, 3 та гол ва 2 та голли узатма берди.