"Манчестер Сити" Холанднинг ўрнига потенциал футболчи топди

Ҳужумчи Эрлинг Холанднинг "Манчестер Сити"даги келажаги ноаниқлигича қолмоқда.

Норвегиялик юлдуз мунтазам равишда "Барселона"га ўтиши мумкинлиги ҳақида хабарлар тарқалади. Transfer News Live Football 365 га таяниб хабар беришича, агар "блауграна" яқин келажакда Холандни ўзига жалб эта олса, "Манчестер Сити" Лиссабоннинг "Спортинг" ҳужумчиси Виктор Дьёкерешни сотиб олишга ҳаракат қилади.

Жорий мавсумда швед Португалия клуби сафида 11 та ўйинда майдонга тушиб, 12 та гол ва 3 та голли узатмани амалга оширди.