Малайзия бош вазири Муҳиддин Ёсин саратон касаллигини енгишга муваффақ бўлди. Бош вазир маъмурияти матбуот хизматининг маълум қилишича, Ёсиннинг сўнгги таҳлилларида касаллик аломатлари аниқланмаган ва у ўз вазифасини тўлақонли адо этишга тайёр.
Бош вазирда 2018 йилнинг июлида ошқозоности бези саратони аниқланган ва у Сингапурда даволанган эди. Ўша пайтда у ички ишлар вазири бўлган, касаллик туфайли бир йил таътил олишига тўғри келди. Ўтган ойдаги йиғилишлардан бирида коронавирусга чалинган амалдор билан учрашгани маълум бўлгач, бош вазир икки ҳафталик карантинга олинди.
Етмиш уч ёшли Муҳиддин Ёсин жорий йилнинг 29 февралидан бери Малайзия бош вазири вазифасини бажариб келмоқда. Унинг отаси Ҳожи Муҳиддин Ёсин ибн Муҳиддин таниқли уламо бўлган.
Исроил раҳбарияти ҳибсга олинишига биргина давлат тиш-тирноғи билан қарши чиқмоқда
Россия Британиянинг “Storm Shadow” ракетасини ҳам, АҚШда ишлаб чиқарилган HIMARS реактив ракетасини ҳам йўқ қилди
Шольц рус «Орешники» дан қўрқиб кетди
