Мактаб ўқувчиларининг 66 фоизида кўз нури пасайган

Тиббий статистика маълумотларига кўра, мактаб ёшидаги болаларнинг тахминан 66 фоизи кўриш билан боғлиқ муаммоларга дуч келмоқда. Бу ҳолатлар ўқув жараёнидаги қийинчиликлар, бош оғриғи, чарчоқ ва диққатни жамлай олмасликорқали намоён бўлиши мумкин.

Мактаб ёшидаги болалар учун кўзойнак танлашда юз бериши мумкин бўлган хатолар кўп ҳолларда мавжуд муаммонинг янада кучайишига олиб келади. Қуйида энг муҳим жиҳатлар келтирилган:

1. Аниқ ташхис

Оптикани дастлабки танлашда олинган кўриш қийматлари ҳар доим ҳам кўзнинг ҳақиқий ҳолатини тўлиқ акс эттирмаслиги мумкин. Шу боис, болани офтальмологкўригидан ўтказиш шарт. Фақат шифокоргина аниқ ташхис қўйиб, бола учун мос линза диоптриясини белгилай олади.

2. "Заифроқ" кўзойнакни танлаш хатоси

Баъзи шифокорлар ва ота-оналар кўзлар "ишлаш"ни унутмаслиги учун диоптрияси заифроқ бўлган кўзойнак танлашни маъқул деб ҳисоблашади. Лекин буниҳоятда нотўғри ёндашув. Бундай кўзойнаклар кўришни тўлиқ тўғриламайди, натижада бола кўришга ҳаракат қилганда кўзлар ортиқча зўриқади, чарчоқ ва бош оғриғи пайдо бўлиши мумкин.

3. Боланинг ёши ва фаолиятини ҳисобга олинг

Кўзойнак танлаётганда боланинг ёши, жисмоний фаоллиги, дарсдаги фаол иштироки каби омиллар ҳам ҳисобга олиниши керак. Масалан, жуда фаол болалар учун мустаҳкам, синмайдиган материалдан тайёрланган оправатавсия этилади.

4. Кўзойнак кийишга мослашиш даври

Янги кўзойнакка кўникишга болага вақт керак бўлади. Агар кўриш билан боғлиқ ноқулайликлар (масалан, кўз оғриғи, бош айланиши, кўришда хиралик) бир неча кун ичида ўтиб кетмаса, шифокорга мурожаат қилиш лозим.