Франция президенти Эммануэл Макрон яна иккинчи бор халқаро ҳамжамиятни Исроилга қурол етказиб беришни тўхтатишга чақирди. Франция раҳбари яҳудий давлатини Ливандаги БМТ тинчликпарвар кучларини атайлаб нишонга олганликда айблади.
«Буни ҳаммамиз биламиз. Бу бунга чек қўядиган ўзига хос дастак», — деди Макрон Кипрда бўлиб ўтган Европа ва Ўрта ер денгизи етакчиларининг саммитида.
Франция президентининг айтишича, Ливандаги БМТ тинчликпарвар кучлари Исроил қўшинлари томонидан атайлаб нишонга олинаётган вазият «мутлақо қабул қилиб бўлмайди».
Эслатиб ўтамиз, ўтган ҳафта Франция президенти Эммануэл Макрон илк бор Исроилга қурол етказиб беришни тўхтатишга чақирган эди.
«Менимча, бугунги кунда устувор вазифа сиёсий ечимга қайтишимиз, Ғазодаги уруш учун таъминотни тўхтатишимиз», деди Макрон France Inter телеканалига.
