Эроннинг 60% бойитилган уран захиралари февралдаги 274,8 кг дан 17 май ҳолатига кўра 408,6 кг гача кўтарилди.Бу ҳақда Халқаро атом энергияси агентлиги (МАГАТЭ) янги ҳисоботида айтилади.
📈 Шундай қилиб, уч ой ичида Эрон юқори бойитилган уран ҳажмини 133,8 кг га оширди .
МАГАТЭ бош директори Рафаел Мариано Гросси ҳужжатда вазиятдан хавотир билдирди: “ Эрон ядровий қуролга эга бўлмаган ҳолда уранни шу даражагача бойитган дунёдаги ягона давлатдир ”.
У Эрон агентлик билан " зудлик билан, тўлиқ ва самарали " ҳамкорлик қилиши кераклигини таъкидлади. Гросси, шунингдек , Теҳронни МАГАТЭ инспекторларига киришни таъминлашга ва келишувлар доирасида барча зарур маълумотларни тақдим этишга чақирди .
Аввалроқ Эрон Ташқи ишлар вазирлиги матбуот котиби Эсмоил Бағий Эрон ниҳоят АҚШ билан ядровий битим тузиш учун уранни бойитиш ишларини вақтинча тўхтатиш режасидан воз кечганини маълум қилганди.
Теҳрон, шунингдек, президент Доналд Трампнинг Эрон делегацияси билан “жуда яхши” музокаралар ўтгани ҳақидаги хабарларига қарамай, вақтинчалик келишувга эришиш имкониятини ҳам рад этди.
"Эрон буни ҳеч қачон қабул қилмайди", деди Бағайи уран дастурини уч йилга музлатиш мумкинлиги ҳақидаги саволга қатъий жавоб берди.
Даҳшат! Вафот этган 88 ёшли аёл тобутда ҳушига келди
БАА бош мураббийи мухлисларга мурожаат билан чиқди
Ҳиндистон чўкиб кетмоқда - ярим миллиондан ортиқ қурбонлар
