Мадуро судланмоқда, Путин эса йўқ — Зеленский

Украина президенти Зеленский АҚШ президенти Доналд Трамп билан бўлиб ўтган учрашувидан сўнг журналистлар олдида чиқиш қилди.

Зеленский АҚШ январ ойининг бошида Венесуэлада операция ўтказиб, ушбу мамлакат етакчиси Николас Мадурони қўлга олганини эслатиб ўтди.

"Мадуро ҳибсга олинди. Бу борада турли фикрлар бўлди. Аммо факт ўзгаришсиз қолмоқда, Мадуро Нью-Йоркда суд қилинмоқда. Аммо Путин судланмаяпти. Ҳозир Европадаги Иккинчи жаҳон урушидан кейинги энг йирик урушнинг тўртинчи йили кетмоқда. Уни бошлаган одам нафақат озодликда, балки Европадаги музлатилган катта миқдордаги пуллари учун курашмоқда", — деди Зеленский.