Вазирлар Маҳкамаси ҳузуридаги Маданият ва санъатни ривожлантириш жамғармаси фаолиятига оид қонунчиликка ўзгартириш киритиш бўйича ҳукумат қарори қабул қилинди.
Ўзгартиришларга мувофиқ.
- Вазирлар Маҳкамаси ҳузуридаги Маданият ва санъатни ривожлантириш жамғармаси қуйидаги қўшимча функцияларни амалга оширади:
- Маданий мерос агентлиги фаолиятини ривожлантириш бўйича тавсиялар бериш;
- Давлат бюджети маблағлари ҳисобидан асрашга доир ишлар амалга ошириладиган моддий маданий мерос кўчмас мулк объектларининг ҳар йиллик манзилли рўйхатини кўриб чиқиш ҳамда келишиш;
- Маданий мерос агентлиги тизимидаги ташкилотларнинг раҳбарлари фаолияти самарадорлигининг асосий кўрсаткичлари (индикаторлари)ни мониторинг қилиб бориш.
- Жамғарманинг даромадлар ва харажатлар сметаси бош вазир томонидан тасдиқланади;
- Республика болалар кутубхонаси Мактабгача таълим ва мактаб таълими вазирлигидан жамғарма тизимига ўтказилмоқда.
Бундан ташқари, UNESСО ишлари Миллий комиссиянинг янги таркиби тасдиқланмоқда: жамғарма раиси лавозими бўйича Миллий комиссия раиси этиб белгиланмоқда.
Ҳужжат Қонун ҳужжатлари маълумотлари миллий базасида эълон қилинган ва 4 июлдан кучга кирди.
