Александр Лукашенко қарори билан жорий йилнинг 27 февраль куни Беларусь конституциясига ўзгартириш киритиш бўйича референдум ўтказилади.
Мамлакат президентининг матбуот хизмати хабарига кўра, овоз беришга мўлжалланган бюллетенда биргина савол бўлади: “Беларусь конституциясига ўзгартириш ва қўшимчалар киритилишини қабул қиласизми?”. Референдумни ўтказиш бўйича қарор у расман эълон қилинганидан 10 кун ўтиб, кучга киради.
Лукашенко имзолаган қарорда референдум доирасида конституцияга киритиладиган барча ўзгартириш ва қўшимчалар келтирилган. Хусусан, Беларусь ҳукумати конституцияга бир киши Беларусь президенти лавозимига икки муддатдан ортиқ сайланмаслиги тўғрисидаги ўзгартиришни киритишни таклиф қилмоқда. Ҳозирча бу борада ҳеч қандай чеклов йўқ.
Эслатиб ўтамиз, Беларусь президенти Александр янги конституция лойиҳаси умумхалқ муҳокамасига тақдим этилишини айтганди.
Унга кўра, конституция ўзгартириладиган бўлса, мамлакатдаги бошқарув тизими ҳам шунга мувофиқ қайта қурилади.
2020 йил август ойида Беларусда президентлик сайловлари бўлиб ўтган эди. МСК сайлов якунида 80 фоиздан кўпроқ овоз билан Александр Лукашенко ғалаба қозонганини эълон қилган. Сайлов куни мамлакатда бир неча ойга чўзилган оммавий норозилик намойишлари бошланган.
Сайлов натижалари сохталаштирилгани даъвоси билан кўчага чиққан фуқаролар ҳарбийлар ва бошқа хавфсизлик кучлари томонидан бостирилган эди.
ЕЧЛ. Ярим финал. "Бавария" "Реал" билан жанговар дуранг қайд этди
Россия иқтисодиёти қулаши мумкин
Россия ИИВ 400 га яқин муҳожирни Россия паспортидан маҳрум қилди
