Лукашенко: "Худонинг миллати — беларус"

Беларус президенти Александр Лукашенко россиялик телебошловчи Владимир Соловёвга берган интервьюсида Худонинг миллати беларус деб билишини айтди.

Суҳбат давомида Соловёв Лукашенкодан: «Демак, бугунги кунда Худо беларусми?» деб сўради. Сиёсатчи ижобий жавоб берди ва бугунги кунда Яратган республика раҳбариятини фаол қўллаб-қувватлаётганини таъкидлади. «Нафақат бугун, аввал ҳам қўллаган. У мени 90 йилларнинг ўрталарида бу "қозон"га ташлади ва кўп ёрдам берди», деб ишонтирди сиёсатчи.

Аввалроқ беларуслик тарғиботчи Григорий Азаренок Лукашенкони «Худонинг туҳфаси» деб атаган ва фуқароларни «унинг ишончини оқлаш» учун қўлларидан келганини қилишга чақирган эди. «Бундай мўъжиза, худди 1994 йилдагидек, одамларга бир марта берилади, шунинг учун бу мўъжиза учун Худога раҳмат айтайлик», деди у.