Лос-Анжелесда назоратдан чиқиб кетган ўрмон ёнғинлари билан курашиш учун сув етишмаяпти

Лос-Анжелесни қамраб олган кўплаб ўрмон ёнғинлари билан курашаётган экипажлар қийинчиликларга дуч келишмоқда: кучли шамоллар, паст намлик ва маҳаллий аҳоли учун энг ташвишлиси, ёнғинни ўчириш учун сув таъминотининг етишмаслиги. Бу ҳақда Reuters ёзмоқда.

Лос-Анжелес расмийларининг таъкидлашича, уларнинг шаҳар сув тизимлари самарали, аммо улар ўрмон ёнғинлари учун эмас, балки шаҳар шароитлари учун мўлжалланган.

Дейвис фуқаролик ва атроф-муҳит муҳандислиги профессори Жей Лунднинг таъкидлашича, шаҳар сув омборлари одатда Лос-Анжелесдаги каби йирик ёнғинларга эмас, балки маҳаллий ёнғинларга қарши курашиш учун мўлжалланган.

Гап Жанубий Калифорнияда етарли сув йўқлигида эмас, Жанубий Калифорниянинг бу ҳудудида ёнғинларга қарши курашиш учун зарур бўлган бир неча соат сув етишмаслигида.

Лос-Анжелес сув ва энергетика департаменти ижрочи директори ва бош муҳандиси Женис Қуинонеснинг айтишича, пастроқ жойларда ёнғинларга қарши курашиш учун сувга бўлган эҳтиёж шаҳарни баландроқ жойларда сув идишларини тўлдиришга тўсқинлик қилмоқда.